ભરૂચ જિલ્લામાં વરસાદનું ઘોડાપૂર સર્જાયું છે . ભરૂચ શહેર જિલ્લામાં રવિવારે વહેલી સવારથી જ વાદળછાયું વાતાવરણ જોવા મળ્યું હતું. જે બાદ દિવસભર છુટાછવાયા ઝાપટા અને ઝરમરિયો વરસાદ સતત રહ્યો હતો. ભરૂચ જિલ્લામાં છેલ્લાં 20 દિવસથી હવામાન વિભાગ દ્વારા ભારે વરસાદની આગાહી કરવામાં આવી રહી હતી. આજરોજ પંથકમાં વરસાદ યથાવત રહ્યો છે.
જોકે, આકાશ વાદળ છાયું થયાં બાદ સામાન્ય ઝરમર સિવાય વરસાદ વરસતો ન હોઇ મેઘરાજા હાથતાળી આપી જતો હોઇ ખેડૂતોના માથે ચિંતાની લકીર ઉપસી આવી હતી. રવિવારે સવારથી જ જિલ્લામાં છુટા છવાયા ઝાપટાં અને ઝરમિયો વરસાદ વરસ્યો હતો. જિલ્લામાં જંબુસરમાં સૌથી વધુ 30 મીમી વરસાદ નોંધાયો હતો. જ્યારે સૌથી ઓછો વરસાદ આમોદમાં 4 મી.મી. નોંધાયો હતો.
ભરુચ જિલ્લામાં વરસાદની ધોધમાર એન્ટ્રી વચ્ચે અંકલેશ્વર પંથકમાં 9 મી.મી વરસાદ નોંધાયો હતો જ્યારે ભરૂચ માં 20 મી.મી, હાંસોટમાં 33 મી.મી, જંબુસરમાં 45 મી.મી, નેત્રંગમાં 31 મી.મી, વાગરામાં 10 મી.મી, વાલિયામાં 12 મી.મી અને ઝગડિયામાં 16 મી.મી વરસાદ નોંધાયો હતો. રાજ્યના કેટલાક વિસ્તારોમાં પાણીના ઘોડાપૂર થયા હતા.
રિધ્ધી પંચાલ, ભરુચ.
