ભરૂચ બાયપાસ નજીક આવેલ અમન પાર્ક સોસાયટીમાં વાહન ચોરીની નિષ્ફળ ઘટના સામે આવી છે. સોસાયટીમાં વાહન ચોરી કરવા આવેલ ચોરોનો પ્રયાસ નિષ્ફળ રહ્યો હતો. સોસાયટીમાં લાગેલા સીસીટીવી કેમેરામાં બે જેટલા ચોરો નજરે પડ્યા હતા. જે મામલે ભરૂચ બી ડિવિઝન પોલીસે ગુનો નોંધી અને તપાસ હાથ ધરી હતી.
ભરૂચ બાયપાસ નજીક આવેલ અમન પાર્ક સોસાયટીમાં વાહન ચોરી માટે બે ઇસમો ત્રાટક્યા હતા જેઓ એક ઇકો ગાડી ચોરવાના ઇરાદે સોસાયટીમાં ઘુસ્યાં પરંતુ તસ્કરોએ વીલા મોઢે પરત ફરવું પડ્યું હતું. જોકે બે ઇસમો સોસાયટીના સીસીટીવી કેમેરામાં ચોરી કરતાં કેદ થઇ જવા પામ્યા હતા.
ઘટના અંગે ભરૂચ બી ડિવિઝન પોલીસ મથકે જાણ કરવામાં આવતા પોલીસે પણ સ્થળ તપાસ કરી હતી પોલીસે સીસીટીવી મેળવી તપાસ શરૂ કરી આગળની કાર્યવાહી હાથ ધરી હતી.
Advertisement
