અંકલેશ્વર ઈનરવ્હીલ ક્લબ દ્વારા ભરૂચ વૃદ્ધાશ્રમ ખાતે જરૂરિયાતની ચીજ વસ્તુઓનું વિતરણ કરાયું.

રોટરી ક્લબ ઓફ અંકલેશ્વરની ભગીની સંસ્થા ઈનરવ્હીલ ક્લબ દ્વારા સોમવારના રોજ ભરૂચ ઘરડા ઘર ખાતે જરૂરિયાતમંદ વૃદ્ધો માટે જરૂરી ચીજ વસ્તુઓનું વિતરણ કરવામાં આવ્યું હતું.

ઈનરવ્હીલ ક્લબ અંકલેશ્વર દ્વારા નિયમિત સમયાંતરે તમામ સમાજસેવાના કાર્યો કરવામાં આવે છે જે અંતર્ગત સોમવારના રોજ ભરૂચ ઘરડા ઘર ખાતે વૃદ્ધાશ્રમમાં રહેતા વૃદ્ધો માટે જરૂરિયાતમંદ ચીજ વસ્તુઓ જેમ કે સાબુ, તેલના ડબ્બા તેમજ અન્ય સામગ્રીનું વિતરણ કરવામાં આવ્યું હતું. આ પ્રસંગે ક્લબના પ્રમુખ સંધ્યા મિશ્રા તેમજ સેક્રેટરી સહિત ટીમના તમામ સભ્યો ઉપસ્થિત રહ્યા હતા. આ ચીજ વસ્તુઓ વિતરિત કરાતાં વૃદ્ધોના ચહેરા પર પણ આનંદની લાગણી ફેલાઈ હતી.