ભરુચ જિલ્લાના નેત્રંગ તાલુકાના અને ઝઘડીયા પોલીસ સ્ટેશન વિસ્તારમાં આવેલ અસનાવી ગામેથી પોલીસે ખેતરની ઓરડીમાં રાખેલ ભારતીય બનાવટનો વિદેશી દારુનો જથ્થો પકડી પાડ્યો હતો.
આ અંગે ઝઘડીયા પોલીસમાંથી મળતી વિગતો અનુસાર પોલીસને બાતમી મળી હતી કે અસનાવી ગામે રહેતા શશીકાંત જેઠાભાઇ વસાવાએ તેના ખેતરની ઓરડીમાં ભારતીય બનાવટનો વિદેશી દારુનો જથ્થો રાખેલ છે. અને તેમાંથી જરુર મુજબનો દારુનો જથ્થો ઘરે દુકાને લાવીને વેચાણ કરે છે. પોલીસે ગતરોજ સાંજના ૯ વાગ્યા દરમિયાન બાતમી મુજબના સ્થળે રેઇડ કરતા તેના ખેતરની ઓરડીમાંથી ભારતીય બનાવટના વિદેશી દારૂનો જથ્થો મળી આવ્યો હતો. પોલીસે ખેતરની ઓરડીમાં રાખેલ ભારતીય બનાવટના વિદેશી દારૂની નાની-મોટી કુલ ૫૭૮ બોટલો કબજે લીધી હતી. આ ઝડપાયેલ વિદેશી દારુના જથ્થાની કુલ કિંમત રુ.૭૦૧૦૦ જેટલી થાય છે. પોલીસે શશીકાંત જેઠાભાઇ વસાવા રહે.ગામ અસનાવી તા.નેત્રંગના વિરુધ્ધ ગુનો નોંધી કાયદેસર કાર્યવાહી હાથ ધરી હતી.
ગુલામહુશેન ખત્રી રાજપારડી જિ.ભરુચ