તાજેતરમાં ભરૂચ તાલુકાનાં મનુબર ગ્રામ પંચાયત ખાતે ફરજ બજાવતા એક મહિલા કર્મચારી પર હુમલો કરવામાં આવ્યો હતો. તા.5-1-22 ના રોજ બનેલ આ ઘટનામાં ભરૂચ ગ્રામ્ય પોલીસ મથક ખાતે અપાવેલ ફરિયાદ મુજબ તાલુકાનાં મનુબર ગામ ખાતે મહિલા તલાટી કમમંત્રી ફરજ બજાવતા હતા તે સમયે તેમની પર હુમલો કરવામાં આવ્યો હતો. આ હુમલો વેરાની વસૂલાત અંગે રકજક થતાં કરવામાં આવ્યો હોવાનું પોલીસ ફરિયાદમાં જણાવાયું છે. ભરૂચ જિલ્લા તલાટી કમમંત્રી મંડળ દ્વારા એવી માંગણી કરવામાં આવી છે કે આરોપીઓ સામે કડક પગલા ભરવામાં આવે તેમજ હવે પછી મહિલા કર્મચારીઓ અને અન્ય કર્મચારીઓ પર આવા હુમલાના બનાવ ન બને તે અંગે પગલાં લેવામાં આવે.
Advertisement
