ભરૂચ નગરના ન્યુ આનંદ નગર વિસ્તારમાં આવેલ એક મકાનમાંથી મળેલ બાતમીના આધારે પોલીસ તંત્ર રૂપિયા 94 હજાર કરતાં વધુનો મુદ્દામાલ પકડી આઠ જુગારીયાઓ સામે કાર્યવાહી કરેલ છે. એ ડિવિઝન પોલીસ તંત્ર દ્વારા કરાયેલ જુગારની રેડમાં અંગ જડતીના તથા દાવ પરના રોકડા રૂપિયા 21000 તથા મોબાઈલ નંગ-7 કિંમત રૂપિયા 13000, મોટરસાયકલ નંગ-3 કિંમત રૂપિયા 60,000 મળી કુલ મુદ્દામાલ 94,150 જપ્ત કરાયો હતો. ઝડપાયેલા આરોપીઓમાં (1) મોહમ્મદ ઇમરાન શબ્બીર મિયાગામવાલા (2) મોહમ્મદ નિઝામ ઈકબાલ બિસ્કીટવાલા (3) મોહમ્મદ સોહેલ શબ્બીર હુસેન ઘડિયાળી (4) પીર મોહમ્મદ મોહમ્મદભાઈ લાડુ (5) મોહમ્મદ અકરમ ઈસ્માઈલ ફ્રુટવાલા (6) મોહસીન હુસેન અબ્દુલ રહીમ લાલ (7) મુસ્તકીમ ગુલામ ભામજી (8) મિયા મોહમ્મદ યુસુફભાઈ લોખંડવાલા આ તમામ જુગારિયાઑ સામે એ ડિવિઝન પોલીસે કાયદેસરની કાર્યવાહી કરી રહી છે.
Advertisement
