ભરૂચના નબીપુર ખાતે મુસ્લિમ બિરાદરો દ્વારા અજમેર સ્થિત હજરત ગરીબ નવાઝના ૮૧૦ મા ઉર્સ શરીફની શાનદાર ઉજવણી કરાઇ હતી. રાજસ્થાનના અજમેર સ્થિત સૂફી સંત ખવાજા મોઇનઉદ્દીન ચિશ્તીની દરગાહ આવેલી છે જેમને સુલતાને હિન્દનો ખિતાબ પણ આપવામાં આવ્યો છે. જેઓના 810 મા ઉર્સની ખુબ દબદબાભેર ઉજવણી થઇ રહી છે. આ દરગાહ પર દરેક જ્ઞાતિના શ્રદ્ધાળુઓ પોતાની માનતાઓ લઈને આવે છે અને દર્શન કરે છે.
ઉર્સ શરીફના મોકા ઉપર દર વર્ષની પરંપરા મુજબ ભારતના પ્રધાન મંત્રી નરેન્દ્ર મોદી તરફથી સરકારી પ્રતિનિધિ મંડળ દ્વારા ફૂલોની ચાદર ચઢાવવામાં આવી હતી. આજરોજ હજારો શ્રદ્ધાળુઓએ ઉર્ષમાં ભાગ લીધો હતો. આ પ્રસંગે ભરૂચ જિલ્લાના નબીપુર ગામ ખાતે જુમ્મા મસ્જિદમાં ગામની સરકારે બગદાદ કમિટી દ્વારા ખવાજા ગરીબ નવાજની શાનમાં કુરાન ખ્વાનીનું આયોજન કરાયું હતું.
યાકુબ પટેલ, પાલેજ
Advertisement
