ભરૂચ જિલ્લાના ઝઘડિયા તાલુકાના એક ગામની સગીરાને પૈસા આપવાની તથા ફરવા લઇ જવાની લાલચ આપીને એક યુવક દ્વારા તેના પર બળાત્કાર ગુજારાયો હતો. બાદમાં તેણે તેના અન્ય સાત જેટલા મિત્રોને બોલાવ્યા હતા, આ યુવકોએ પણ વારાફરતી સગીરા પર સામૂહિક બળાત્કાર ગુજાર્યો હતો. ગેંગરેપની આ ઘટનાને લઇને સમગ્ર જિલ્લામાં ચકચાર મચી જવા પામી હતી.
આ બનાવ સંદર્ભે આઠ ઈસમો વિરૂધ્ધ ઝઘડીયા પોલીસમાં ફરિયાદ નોંધાઈ હતી. પોલીસે ગણતરીના કલાકોમાં આ આરોપીઓને ઝડપી લીધા હતા. ત્યારબાદ આ આઠ આરોપીઓના ત્રણ દિવસના રિમાન્ડ મંજૂર થયા હતા. દરમિયાન સામૂહિક બળાત્કારની ઘટનાનો એક આરોપી સગીર નીકળતા તેને જુવેનાઈલ કોર્ટમાં મોકલી આપવામાં આવ્યો હતો અને બાકીના સાત આરોપીઓના વધુ બે દિવસના રીમાન્ડ કોર્ટ દ્વારા મંજુર કરવામાં આવ્યા હતા. આ રીમાન્ડ પૂર્ણ થતા આરોપીઓને ભરૂચ સબજેલ ખાતે મોકલી આપવામાં આવ્યા હતા.
ગુલામહુશેન ખત્રી રાજપારડી જિ..ભરૂચ
