ભારત સરકાર હસ્તકના યુવા કાર્યક્રમ તથા ખેલ મંત્રાલય આધીન નેહરુ યુવા કેન્દ્ર ભરૂચ દ્વારા જિલ્લા કક્ષાનો રમતોત્સવ સદવિદ્યા મંડળ ભરૂચના ગ્રાઉન્ડ ખાતે યોજાયો હતો. જેમાં મંડળના ટ્રસ્ટી કેતનભાઈ પટેલ, સિનીયર કોચ રાજનસિંહ ગોહિલ, ખો-ખો એસોસિએશનના જે.સી.પટેલ, ખુશાલસિંહ ચૌહાણ સહિત અગ્રણીઓ ઉપસ્થિત રહ્યા હતા.
વિવિધ તાલુકાઓમાંથી આવેલ ખેલાડીઓ વોલીબોલ, ખો ખો, કબડ્ડી, એથલિક્સ જેવી રમતો રમ્યા હતા. આ સમગ્ર રમતોત્સવનું આયોજન કબડ્ડી એસોસિએશનના જયપાલસિંહ મોરીએ કર્યુ હતું. જિલ્લા યુવા અધિકારી સુબ્રતો ઘોષના માર્ગદર્શન હેઠળ આ રમતોત્સવ યોજાયો હતો. આયોજનને સફળ બનાવવા બદલ આયોજકોએ સહુનો આભાર માન્યો હતો.
ગુલામહુશેન ખત્રી રાજપારડી જિ.ભરૂચ
Advertisement
