ભરૂચમાં શ્રી શંકર સેવા ચેરીટેબલ ટ્રસ્ટ દ્વારા ડૉ.બાબાસાહેબ આંબેડકરની જન્મ જયંતીની અનોખી ઉજવણી કરાઇ.

આજે દેશના બંધારણના ઘડવૈયા ડોક્ટર બાબા સાહેબ આંબેડકરની જન્મ જયંતી હોય સમગ્ર ગુજરાતમાં બાબાસાહેબ આંબેડકરની જયંતિ નિમિત્તે વિવિધ કાર્યક્રમો હાથ ધરવામાં આવે છે જેના ભાગરૂપે ભરૂચમાં શંકર સેવા ચેરીટેબલ ટ્રસ્ટ દ્વારા અનોખી રીતે આજના દિનની ઉજવણી કરવામાં આવી હતી.

ભરૂચના શ્રી શંકર સેવા ચેરીટેબલ ટ્રસ્ટ દ્વારા ડોક્ટર બાબા સાહેબ આંબેડકરની જન્મ જયંતી નિમિત્તે ભરૂચ ખાતે આવેલી કલરવ સ્કૂલ તેમજ દુબઈ ટેકરી ખાતે સ્કુલ બેગ, કંપાસ બોક્સ અને ચોકલેટનું બાળકોને વિતરણ કરી આજના દિનની અનોખી ઉજવણી કરેલ હતી. આજે બાળકોને સામગ્રી વિતરણ સમયે શ્રી શંકર સેવા ટ્રસ્ટના પ્રમુખ શંકરભાઇ પટેલ, ઉપ-પ્રમુખ ઉર્વીશભાઈ ઠાકુર સહિતના ટ્રસ્ટના હોદ્દેદારો અને સ્થાનિક રહેવાસીઓ ઉપસ્થિત રહ્યા હતા.