ભરૂચમાં દહેજ બાયપાસ રોડ પર આવેલ “બિગ બોસ” સ્પામાં ચાલતા દેહ વ્યાપારનો પર્દાફાશ.

દહેજના બાયપાસ રોડ ઉપર આવેલ “બિગ બોસ” સ્પા નામની દુકાનમાંથી દેહ વ્યાપારનો પર્દાફાશ ભરૂચની એ ડિવિઝન પોલીસે કર્યો છે.

ભરૂચ એ ડિવિઝન પોલીસને બાતમી મળેલ કે શ્રવણ ચોકડી પાસે આવેલ અભ્યુદય આર્કેડમાં આવેલ બિગબોસ સ્પાની આડમાં બહારથી છોકરીઓ મંગાવી દેહ વ્યાપાર ચલાવવામાં આવે છે. જે બાતમીના આધારે ડમી ગ્રાહક મોકલી આ જગ્યા પર દેહ વ્યાપાર ચાલતો હોવાનું જાણવા મળતા એ ડિવિઝન પોલીસે બિગબોસ સ્પા ખાતે દરોડો પાડતા દુકાન માલિક રાકેશ મનુભાઈ વાળંદ તથા દેહ વ્યાપાર કરતી 6 યુવતીઓ અને મોબાઈલ નંગ 2 કિં.રૂ.6000, કાઉન્ટર પરથી મળેલ રોકડ રકમ 7500 સાથે કુલ રૂ.13,500 નો મુદ્દામાલ કબ્જે કરી આરોપીને ઝડપી લઈ યુવતીઓને ક્યાથી? કેવી રીતે બોલાવી દેહવ્યાપાર કરાવવામાં આવતો હોય તે સહિતની વિગતોની શોધખોળ ભરૂચ એ ડિવિઝન પોલીસ ચલાવી રહી છે.