ભરૂચના લિંકરોડ ઉપર આવેલ મંદિર ના તાળા તોડી દાન પેટી માંથી રોકડ રકમ ની ચોરી કરનાર મુખ્ય આરોપી પોલીસના સકંજામાં આવી ચઢ્યો હતો……….

(હારૂન પટેલ, ભરૂચ)

બનાવ અંગે ની જાણવા મળતી માહિતી મુજબ ભરૂચ શહેર ના લિંક રોડ ઉપર આવેલ મોઢેશ્વરી માતાજીના મંદિર ખાતે ગત તારીખ ૧૭.૦૨.ના રોજ મંદિર નું તાળુ તોડી દાન પેટી માંથી હજારો ના મત્તા ની ચોરી અંગે ની ફરિયાદ નોંધવામાં આવી હતી .જે પ્રકરણ માં અગાઉ ભરૂચ શહેર એ ડિવિઝન પોલીસે શહેર ના અયોધ્યા નગર વિસ્તાર માંથી રવી પ્રવીણ ભાઈ દંતાલી ને ઝડપી પાડ્યો હતો ….

જે અંગે ની વધુ તપાસ માં પોલીસે મુખ્ય આરોપી હસમુખ મગન મારવાડી ને બાતમી ના આધારે ભરૂચ શહેર એ ડિવિઝન પોલીસે ઝડપી પાડ્યો હતો જેમાં તેણે કબૂલાત કરી હતી કે મંદિર માં તેમજ મોબાઈલ શોપ માં તેના મિત્ર રવિ સાથે ચોરી ની ઘટના ને અંજામ આપ્યો હતો….વધુ માં ઝડપાયેલ આરોપી પાસે થી પોલીસ ને જાણવા મળ્યું હતું કે અમદાવાદ અને કોસંબા માં પણ આ લોકો એ ચોરીઓની ઘટના ને અંજામ આપ્યો હોવાની કબુલાત કરી હતી …….