ભરૂચ : વાગરાનાં પહાજ ગામમાંથી જુગાર રમતા ત્રણ જુગારીઓ ઝડપાયા.

ભરૂચના વાગરા તાલુકાના પહાજ ગામેથી જુગાર રમતા 3 જુગારીઓને પોલીસે ઝડપી પાડયા છે.

પ્રાપ્ત વિગતો અનુસાર ભરૂચમાં જુગારની પ્રવૃત્તિઓને નેસ્તનાબૂદ કરવા માટે ગત રાત્રીના વાગરા પોલીસ પેટ્રોલિંગમાં હતી તે દરમિયાન બાતમીના આધારે વાગરા પોલીસે પહાજ ગામે તળાવની પાળ ઉપર બાવળની ઝાડીઓમાં રેડ કરતા જુગાર રમતા ત્રણ શખ્સો (1) મોહસીન દાઉદ મલેક (2) મુકેશ માધુભાઈ રાઠોડ (3) સલમાન નસરુશા દિવાનને ઝડપી લઇ રોકડ રકમ અને મોબાઇલ સહિત કુલ રૂપિયા 20,540 ના મુદ્દામાલ કબજે કરી પોલીસે આગળ કાયદેસરની કાર્યવાહી હાથ ધરી છે.