ભરૂચ : વાલિયાના વટારિયા પાસે હાઈવાની ટક્કરે બાઇક સવાર વિદ્યાર્થીનું મોત અન્ય એક ઘાયલ.

ભરૂચ વાલિયાના વટારીયા ગામ નજીક આવેલ પનિયારીની વળાંક પાસે ટ્રક અને બાઇક વચ્ચે અકસ્માત થતા એક વિદ્યાર્થીનું ઘટનાસ્થળે જ મોત નિપજ્યું છે.

આ બનાવની પ્રાપ્ત વિગતો અનુસાર ભરૂચ વાલિયાના વટારીયા ગામ નજીક આવેલ પનીયારી વળાંક પાસે હાઈવા ટ્રક અને બાઇક વચ્ચે અકસ્માત સર્જાતા ભરૂચના ત્રાલસા ગામના વિદ્યાર્થીનું ઘટનાસ્થળે જ કમકમાટીભર્યું મોત નિપજ્યું છે. બાઈક પર સવાર અન્ય વિદ્યાર્થીને શરીરે ગંભીર ઈજાઓ પહોંચતા વધુ સારવાર અર્થે તેને હોસ્પિટલે ખસેડવામાં આવ્યો છે. આ બનાવ અંગે તાત્કાલિક વાલિયા પોલીસે ઘટના સ્થળે પહોંચી ગુનો નોંધી આગળ વધુ તપાસ હાથ ધરી છે.