ભરૂચ તાલુકાનાં કાસવા સમની ગામે વસાવા ફળિયામાં રહેતા વિજયભાઈ ભીખાભાઇ વસાવા ઉં.વ.45 પોતાના ઓટલા ઉપર વિમલમાં તમાકુ ભેગી કરી રહ્યા હતા ત્યારે તેઓની સામે રહેતા સુરેશભાઇ વસંતભાઈ વસાવા પીધેલી હાલતમાં આવી ગમેતેમ ગાળો બોલી ઝપાઝપી કરી હતી. તે દરમિયાન સુરેશભાઈની પત્ની તેનો ભાણિયો અરુણ નાઓએ ગેરકાયદેસર મંડળી બનાવી ફરિયાદી તથા તેના ઘરનાઓ ઉપર લાકડી તથા કુહાડી જેવા મારક હથિયારોથી હુમલો કરતાં ઘવાયેલા ફરિયાદીઓને ભરૂચ સિવિલ હોસ્પિટલમાં ખસેડવામાં આવ્યા હતા.
બીજી ફરિયાદમાં મંજુબેન વસંતભાઇ વસાવાએ ક્રોસ ફરિયાદ કરતાં તેઓના પતિ ઉપર કૈલાસબેને એઠવાડ નાંખતા તેને કહેવા જતાં ઉશ્કેરાયેલા કનાભાઇ, વિજયભાઈ વસાવા તથા કૈલાસબેન વિજયભાઇ નાઓએ કુહાડી/લાકડી જેવા મારક હથિયારોથી હુમલો કરતાં ઘાયલ થયેલાઓને સિવિલ હોસ્પિટલમાં ખસેડાયા હતા. બંનને પક્ષની ફરિયાદ લઈ ભરૂચ તાલુકા પોલીસ સ્ટેશનમાં એકબીજાની સામે આઈ.પી.સી ની કલમ 323,504,506,(2) 114 મુજબનો ગુનો નોંધી કાયદેસરની કાર્યવાહી હાથ ધરી છે.
