બનાવ અંગેની પ્રાપ્ત માહિતી અનુસાર ભરૂચ શહેરના શ્રવણ ચોકડી વિસ્તારમાં આવેલ પુંજા હાઉસિંગ કોમ્પલેક્ષના એક મકાનમાં આજે સવારના સમયે અચાનક શોર્ટ સર્કિટના કારણે આગ ભભૂકી ઉઠતા મકાનમાં ઉપસ્થિત લોકોમાં નાસભાગના દ્રશ્યો સર્જાયા હતા.
જોત જોતામાં આગે વિકરાળ સ્વરૂપ ધારણ કરતા મકાનમાં રહેલ ફર્નિચર, ઇલેક્ટ્રિક ઉપકરણો સહિત ઘર વખરીના સામાનને ભારે નુકશાની થઇ હતી. ઘટના અંગેની જાણ ભરૂચ નગરપાલિકાના ફાયર વિભાગમાં કરવામાં આવતા ફાયરના કર્મીઓએ તાત્કાલિક સ્થળ પર પહોંચી જઈ આગ પર પાણીનો મારો ચલાવી તેને કાબુમાં લીધી હતી.
Advertisement
આગ લાગવાની સમગ્ર ઘટનામાં સદનસીબે કોઈ પ્રકારની જાનહાની ન થતા ઉપસ્થિત લોકોએ રાહતનો શ્વાસ લીધો હતો. જોકે સમગ્ર ઘટનામાં મકાન સંચાલકને મોટી નુકસાની થઇ હોવાનું અનુમાન લગાવાઈ રહ્યું છે.
હારુન પટેલ : ભરૂચ
મો. : 99252 22744
