આજરોજ વડાપ્રધાન નરેન્દ્રભાઈ મોદીનો જન્મ દિવસ હોય દેશ સહિત ગુજરાતમાં વિવિધ કાર્યક્રમો થકી ઉજવણી કરવામાં આવી રહી છે, ગુજરાતમાં પણ ભારતીય જનતા પાર્ટી સહિત વિવિધ સંસ્થાઓ દ્વારા વડાપ્રધાનના જન્મદિનની અલગ અલગ રીતે કાર્યક્રમો યોજી ઉજવણી કરવામાં આવી હતી.
તેવામાં યુવા કોંગ્રેસ દ્વારા પણ વડાપ્રધાન નરેન્દ્રભાઈ મોદીની અનોખી રીતે જન્મ દિવસની ઉજવણી કરાઈ હતી, ભરૂચ જિલ્લા યુવક કોંગ્રેસ દ્વારા શહેરના પાંચબત્તી સર્કલ વિસ્તારમાં વડાપ્રધાન નરેન્દ્ર ભાઈ મોદીના જન્મ દિન નિમિત્તે ૧૭ સપ્ટેબર બેરોજગાર દિવસની ટેગ લખેલ કેકનું કટિંગ કરી ડુંગળી, બટાકા અને ટામેટા સાથે રાખી રાષ્ટ્રીય બેરોજગાર દિવસ મનાવ્યો હતો, અને સ્થાનિક કક્ષા એ યુવાનોને નોકરી મળી રહે તે અંગેની માંગ કરી હતી.
ભરૂચના પાંચબતી વિસ્તારમાં યોજાયેલ યુવક કોંગ્રેસના આ કાર્યક્રમમાં પ્રદેશ એન.એસ.યુ આઈ યોગેશ પટેલ ,જિલ્લા યુવક કોંગ્રેસના ઉપ પ્રમુખ ધીરેન કટારીયા, વિધાનસભા યુવક કોંગ્રેસના ઉપ પ્રમુખ નિખિલ શાહ, મોઇન મેમણ તેમજ સિનિયર કોંગી આગેવાન દિનેશભાઈ અડવાણી, જુબેરભાઈ પટેલ સહિતના કાર્યકરો અને હોદ્દેદારો ઉપસ્થિત રહ્યા હતા.
હારુન પટેલ : ભરૂચ
મો. : 99252 22744
