ભરૂચ જિલ્લામાં અકસ્માતની ઘટનાઓમાં દિન પ્રતિદિન વધારો નોંધાઈ રહ્યો છે, જિલ્લામાં દર ૨૪ કલાકે અકસ્માતની ઘટનાઓ બનતી સામે આવી રહી છે, કેટલાક બનાવોમાં કેટલાય લોકો જીવ ગુમાવી રહ્યા છે તો કેટલાય લોકો ઇજાગ્રસ્ત હાલતમાં સારવાર લેવા મજબૂર બની રહ્યા છે, તે જ પ્રકારની અકસ્માતની વધુ એક ઘટના વાગરા તાલુકામાં માંથી સામે આવી છે.
વાગરાના પહાજ ગામ પાસે આજે સવારના સમયે અકસ્માતની ઘટના બનવા પામી હતી, જેમાં બ્રેઝા કારનું ટાયર ફાટતા કાર સામે આવી રહેલ બાઇકમાં ઘુસી ગઇ હોવાનું અનુમાન લગાવાઇ રહ્યું છે, આ અકસ્માતમાં બાઇક સવાર વ્યક્તિનું ઘટના સ્થળે જ મોત નીપજ્યું છે, તેમજ ઘટનામાં એક મહિલા ગંભીર રીતે ઘાયલ થતા તેને સારવાર અર્થે નજીકની હોસ્પિટલમાં ખસેડવામાં આવી છે.
અકસ્માતની ઘટના બાદ સ્થળ પર લોક ટોળા જામ્યા હતા તેમજ ઘટનાની જાણ વાગરા પોલીસ મથકે કરવામાં આવતા પોલીસે સ્થળ પર દોડી જઈ મામલે નોંધ લઇ મૃતકની લાશને પોસ્ટ મોર્ટમ અર્થે ખસેડવા સાથે કાયદેસરની કાર્યવાહી હાથધરી છે.
હારુન પટેલ : ભરૂચ
મો. : 99254 22744
