ભરૂચ જિલ્લામાં બેફામ બનેલા બુટલેગરો સામે પોલીસ વિભાગે સતત લાલઆંખ કરી હોય તેમ સામે આવી રહ્યું છે, છેલ્લા બે માસ દરમ્યાન અનેક સ્થળે દરોડામાં દેશી-વિદેશી દારૂનો વ્યવસાય કરતા તત્વો ને ઝડપી પાડી તેઓને જેલના સળીયા ગણતા કર્યા છે, તેમ છતાં હમ નહીં સુધરેંગેની નીતિ અપનાવતા બુટલેગરો પોલીસેને પણ પડકાર ફેંકી પોતાનો નશાનો વેપલો ધમધમાવતા નજરે પડે છે, જે બાદ હવે પોલીસ પણ આવા તત્વો સામે લાલ આંખ કરી તેઓ સામે કાયદેસરની કાર્યવાહી હાથધરી છે.
ભરૂચ જિલ્લામાં શનિ અને રવિવારના દિવસે વિવિધ સ્થળે દારૂનું વેચાણ કરતા તત્વોને ત્યાં પોલીસ વિભાગે દરોડા પાડ્યા હતા. ભરૂચ શહેર એ ડિવિઝન પોલીસે વિવિધ સ્થળે પાંચથી વધુ દરોડા પાડી અનેક લીટર દેશી દારૂના જથ્થા સાથે બુટલેગરોને ઝડપી પાડ્યા હતા, તો પાનોલી, નબીપુર તેમજ ભરૂચ સી ડિવિઝન પોલીસ દ્વારા પણ બુટલેગરો સામે તવાઈ બોલાવી હતી, તો નેશનલ હાઇવે 48 ઉપર નોવસ હોટલ પાસે નશા હાલતમાં રહેલ ત્રણ જેટલાં યુવાનોને પણ પોલીસે ઝડપી પાડી તેઓ સામે કાયદેસરની કાર્યવાહી હાથધરી છે.
આમ ભરૂચ જિલ્લામાં એસ.પી ડો.લીના પાટીલના માર્ગદર્શન હેઠળ પોલીસ વિભાગ દ્વારા સતત નશાનો વેપલો કરતા તત્વો સામે તવાઈ બોલાવી છે, તેમજ તેઓને જેલના સળીયા ગણતા કરી બેફામ બનેલા નશાનો વેપલો કરતા તત્વોમાં કાયદાનો ખોફ ઉભો કરાયો છે.