વડોદરાના શિનોરનો યુવાન ફિરોજપુર જનતા એક્સપ્રેસ ટ્રેનમાં પ્રવાસ કરી રહ્યો હતો. તે વેળાં એક ગઠિયાએ તેનો મોબાઇલ ચોરવાનો પ્રયાસ કર્યો હતો. જોકે આસપાસના લોકોએ તેને ઝડપી પાડડ્યો હતો.
વડોદરાના શિનોર ગામે વૈદ ફળિયાનો મિતેશ શૈલેષ માછીને ભરૂચમાં તેમના સંબંધીના ઘરે જવાનું હોઇ તેઓ ભરૂચ આવવા માટે નિકળ્યાં હતાં. વડોદરાથી તેઓ ફિરોજપુર જનતા એક્સપ્રેસ ટ્રેનમાં મુસાફરી કરી રહ્યો હતો. ભરૂચ આવતાં તે ટ્રેનમાંથી ઉતરતી વેળા એક ગઠિયાએ તેના ખિસ્સામાંથી મોબાઇલ ચોરી કરી ભાગવા જતા તેણે બુમરાણ મચાવતાં પ્લેટફોર્મ પર ઉભેલાં લોકોએ તેને ઝડપી પાડતાં તેનું નામ સુનિલ રમેશ દેવીપુજક (રહે. ઇન્દિરનગર ઝૂપડપટ્ટી, ભરૂચ)નું માલુમ પડ્યું હતું. લોકોએ તેને પોલીસને સોંપતાં પોલીસે ગુનો નોંધી તેણે અન્ય કોઇ ગુનાઓને અંજામ આપ્યો છે કે કેમ તેની તપાસમાં કાર્યવાહિ કરી છે..સૌજન્ય
Advertisement
