ગુજરાત વિધાનસભાની ચૂંટણીઓ બાદ ગુજરાત કોંગ્રેસમાં અનેકો બદલાવ જોવા મળી રહ્યા છે, પ્રદેશ કોંગ્રેસ સમિતિની કમાન શક્તિ સિંહ ગોહિલના હાથમા આપવામાં આવી છે, જે બાદ હવે સંગઠનમાં પણ ફેરફાર કરવામાં આવી રહ્યા છે, તેવામાં યુથ કોંગ્રેસ પણ હવે સક્રિય થઈ વિવિધ જિલ્લાની વિધાનસભા બેઠકો ઉપર યુવા પ્રમુખોની નિમણુંક કરવામાં આવી રહી છે.
ગુજરાત યુથ કોંગ્રેસના પ્રમુખ હરપાલ સિંહ ચુડાસમા દ્વારા વિવિધ વિધાનસભા પ્રમુખોની નવી યાદી બહાર પાડવામાં આવી છે, જેમાં ખાસ કરી ભરૂચ વિધાનસભા યુવક કોંગ્રેસના પ્રમુખ તરીકે નિખિલ શાહની નિમણુંક કરવામાં આવતા તેઓના સમર્થકોમાં ઉત્સાહનો માહોલ છવાયો છે, વર્ષોથી કોંગ્રેસમાં સક્રિય અને યુવા ચહેરો ધરાવતા નિખિલ શાહ ભરૂચ નગર પાલિકાના વોર્ડ નંબર 11 માંથી આવે છે, જુના ભરૂચ વિસ્તારમાં તેઓ સક્રિય રહી લોકોની સમસ્યા ઓના નિરાકરણ માટે સતત પ્રયત્નસીલ રહ્યા છે, ત્યારે હવે ભરૂચ વિધાનસભા યુવા કોંગ્રેસના પ્રમુખ તરીકેની વિશેષ જવાબદારી સંગઠન દ્વારા તેઓને આપવામાં આવી છે.
આગામી લોકસભાની ચૂંટણીઓ પહેલા કોંગ્રેસ વધુ મજબૂત થાય તે માટે સંગઠનમાં ધરખમ ફેરફાર થઈ રહ્યા છે, ભરૂચ જિલ્લામાં પાંચ વિધાનસભા બેઠકો પર કારમી હાર બાદ હવે લોકસભામાં કોંગ્રેસ મજબૂતાઈથી લોકો વચ્ચે જઈ શકે તેવા પ્રયત્નો સાથે સંગઠનના માળખામાં ફેરફાર કરવામાં આવી રહ્યા છે.
