જુબિલન્ટ ભરતિયા ફાઉન્ડેશ દ્વારા ભરૂચની 10 સરકારી શાળાઓને મુસ્કાન વિજ્ઞાનશાળાની ભેટ આપવામાં આવી છે. જેના માટે આજરોજ તાલીમ વર્કશોપનું આયોજન કરાયુ હતું. જેમાં આ શાળાનાં વિજ્ઞાન શિક્ષકો અને જુબિલન્ટનાં અધિકારીઓ ઉપસ્થિત રહ્યા હતાં.
મુસ્કાન વિજ્ઞાનશાળા પહેલનો ઉદ્દેશ્ય વિદ્યાર્થીઓ માટે પ્રાયોગિક શિક્ષણનું વાતાવરણ ઉભું કરવાનો અને સરકારી શાળાના શિક્ષકોને ભવિષ્યના વૈજ્ઞાનિકોને ઉછેરવા માટે સર્જનાત્મક રીતો ડિઝાઇન કરવા માટે સશક્તિકરણ કરવાનો છે. જુબિલન્ટ ભરતિયા ફાઉન્ડેશને ગયા વર્ષે મોબાઈલ સાયન્સ લેબ પ્રોજેક્ટ શરૂ કર્યો હતો જેથી દૂરના સમુદાયોના વિદ્યાર્થીઓને વિજ્ઞાનને આગળ ધપાવવા અને નવીન શિક્ષણની તકોની પહોંચ વધારવા માટે પ્રોત્સાહિત કરવામાં આવે. મોબાઈલ સાયન્સ લેબ પ્રોજેક્ટને શાળાઓ તરફથી મળેલા મહાન પ્રતિસાદને પગલે, જુબિલન્ટ ભરતિયા ફાઉન્ડેશને શાળાઓમાં મુસ્કાન વિજ્ઞાનશાળા – માઇક્રો સાયન્સ લેબ્સ સ્થાપવાનું નક્કી કર્યું. માઇક્રો સાયન્સ લેબ્સની તાલીમ સામગ્રીનો અસરકારક ઉપયોગ કરવામાં શિક્ષકોને મદદ કરવા માટે, અગસ્ત્ય ઇન્ટરનેશનલ ફાઉન્ડેશનના સહયોગથી ભરૂચની 10 સરકારી પ્રાથમિક શાળાના શિક્ષકો માટે શિક્ષક તાલીમ વર્કશોપનું આયોજન કરવામાં આવ્યું હતું. જુબિલન્ટ ભરતિયા ફાઉન્ડેશને આ મહિને ભરૂચની આઠ પ્રાથમિક શાળાઓમાં માઈક્રોસાયન્સ લેબની સ્થાપનાને ટેકો આપ્યો હતો, જે વધુ ઉત્સુકતા, સર્જનાત્મકતા અને વૈજ્ઞાનિક સમજના સંદર્ભમાં વિદ્યાર્થીઓની સહભાગિતાને વેગ આપશે.
માઈક્રો સાયન્સ લેબનું ઉદઘાટન જુબિલન્ટ ઈન્ફ્રાસ્ટ્રક્ચર લિમિટેડનાં વિલાયત પ્લાન્ટનાં સાઈટ હેડ અને વીપી અતુલ શર્મા, મેન્યુફેક્ચરિંગ એકાઉન્ટ્સના વાઇસ પ્રેસિડેન્ટ નવનીત કુમાર અગ્રવાલ, પબ્લીક રીલેશનનાં એસોસિએટ ડાયરેક્ટર અલ્કેશ રાણા દ્વારા કરવામાં આવ્યુ હતું. જેમાં શાળાનાં શિક્ષકો, જુબિલન્ટનાં કર્મચારીઓ અને સીએસઆર ટીમનાં સભ્યો ઉપસ્થિત રહ્યા હતાં.
ફાઉન્ડેશનના શિક્ષણ કાર્યક્રમોથી લાભ મેળવનાર તમામ શાળાઓ વતી પ્રથમ કુમારશાળા વાગરા દ્વારા શિક્ષણ ક્ષેત્રે અસાધારણ પ્રયાસોને સમર્થન બદલ પ્રશંસા પત્ર જુબિલન્ટ ભારતિયા ફાઉન્ડેશન CSR ટીમને એનાયત કરવામાં આવ્યું હતું. તમામ શાળાઓના વિજ્ઞાન શિક્ષકોએ માઇક્રો સાયન્સ લેબ સાથે JBFના પહેલની પ્રશંસા અને ખુશી વ્યક્ત કરી અને ગણિત માટે સમાન પ્રોજેક્ટ અને તાલીમ આપવા વિનંતી કરી હતી.
