દહેજ ઇન્ડસ્ટ્રીયલ એસોસિએશન દ્વારા ત્રીજા એક્સ્પોનો શુભારંભ કરાશે.

દહેજમાં જીઆઇડીસી હદ વિસ્તારમાં ઇન્ડસ્ટ્રીયલ એસોસિએશન દ્વારા ત્રીજા એક્સ્પો પ્રદર્શનનો શુભારંભ તારીખ 5, 6, 7 ના રોજ દહેજ ખાતે યોજાશે. આ એક્સપોમાં વિવિધ કંપનીઓ દ્વારા 400 થી વધુ સ્ટોલ ઊભા કરવામાં આવનાર છે જેમાં લેટેસ્ટ મેન્યુફેક્ચરિંગનું પ્રદર્શન કરવામાં આવશે.

આ એક્સ્પોમાં ૨૦ થી ૨૫ હજાર જનમેદની ભેગી થવાની સંભાવના છે. આ એક્સ્પો દહેજ GACL ચોકડી પાસેના જીઆઇડીસી ના પ્લોટમાં રાખવામાં આવેલ છે. જેમાં ફાર્માસ્યુટિલ કંપનીઓ, કેમિકલ, પોલીમર્સ તેમજ વિવિધ ઔદ્યોગિક ઉત્પાદકોના માલિકો ભાગ લેશે તેમ જાણવા મળ્યું છે. આ એક્સ્પોમાં મુલાકાતીઓનું ખાસ ધ્યાન રાખવામાં આવનાર છે તેઓ માટે પાર્કિંગ તેમજ ફાયર એન્ડ સેફટીની ખાસ વ્યવસ્થા કરવામાં આવેલ છે.