ભરૂચ તાલુકાના ઉમરા અસુરીયા ગામ ખાતે છેલ્લા કેટલાક સમયથી ઉભરાતી ગટરો અને તૂટેલી ચેમ્બરોના કારણે ગ્રામજનો મુશ્કેલીમાં મુકાયા છે, ગટરોમાંથી ગંદા પાણી જાહેર માર્ગ ઉપર જ વહેતું નજરે પડે છે, ગ્રામજનો દ્વારા મામલે પંચાયતમાં અવારનવાર રજુઆતો કરવામાં આવી છે, છતાં આજદિન સુધી આ કામગીરી કરવામાં ઢીલાશ દાખવવામાં આવી રહી છે.
મામલે સ્થાનિક ગ્રામજનોએ આક્ષેપ કર્યા હતા કે આ પ્રકારની સમસ્યા અંગે ગામના તલાટીને મૌખિકમાં રજુઆત કરી હતી જોકે તલાટી એ ગ્રામજનોને ઉડાઉ જવાબ આપી જણાવ્યું હતું કે મને માણસો નથી મળતા તમે માણસો લાવી જાતે જ આ કામ કરાવી લ્યો જેવા શબ્દો ઉચ્ચારયા હતા જે બાદ મામલે ગ્રામજનોમાં પંચાયત શાસકો સામે આક્રોશ ઉભો થયો છે.
Advertisement
