ભરૂચ શહેરમાં છેલ્લા બે દિવસથી જાહેર માર્ગો પરની સ્ટ્રીટ લાઈટો બંધ અવસ્થામાં જોવા મળતા વાહન ચાલકો અને શહેરી જનો મુશ્કેલીમાં મુકાયા છે, ભરૂચ નગરપાલિકા એ જીઇબીના બાકી પડતા નાણાંની ભરપાઈ ન કરતા જીઈબી દ્વારા સ્ટ્રીટ લાઈટના જોડાણ કાપી કાઢ્યા છે.
આ બધા વચ્ચે સાશક પક્ષ સામે હવે વિપક્ષ એ બાયો ચઢાવી છે અને નગરપાલિકામાં ચાલતા અંધેર વહીવટ સામે આક્રોશ વ્યક્ત કરી શહેરીજનોને પડતી તકલીફોને ઉજાગર કરવા માટે આજરોજ ભરૂચ નગરપાલિકાની ઘેરાબંધી કરી હતી.
વિપક્ષના નેતા સમસાદ અલી સૈયદની આગેવાનીમાં વિપક્ષી સભ્યો અને કાર્યકરો મોટી સંખ્યામાં હાજર રહ્યા હતા અને પાલિકાની નીતિઓ સામે ભારે સુત્રોચ્ચાર કરી શહેરમાં બંધ થયેલ સ્ટ્રીટ લાઈટો ફરી ચાલુ કરાવવા અને દેવાદાર બનેલ પાલિકાને દેવામાંથી મુક્તિ આપવવાની માંગ સાથે ભારે હોબાળો મચાવ્યો હતો.
Advertisement
