માંગરોળ તાલુકા વાંકલ નજીક આવેલો પ્રવાસન કેન્દ્ર બણભા ડુંગરને અચોક્કસ મુદ્દત માટે બંધ કરવાનો નિર્ણય વન વિભાગ દ્વારા કરાયો.

બણભા ડુંગર કોરોના વાયરસનાં કારણે ઉભી થયેલી પરિસ્થિતિને ધ્યાનમાં લઈ તકેદારીનાં ભાગરૂપે વન વિભાગ દ્વારા પ્રવાસન કેન્દ્ર બણભાં ડુંગરને અચોક્કસ મુદ્દત માટે બંધ રાખવાનો નિર્ણય કરાયો. પ્રવાસન કેન્દ્ર બણભા ડુંગરે આજુબાજુનાં પ્રવાસીઓ રજાની મજા માણવા અહીં આવે છે. મોટી સંખ્યામાં લોકો ડુંગરની મજા માણવા સહેલાણીઓ ઉમટી પડે છે. કોરોના વાયરસનું સંક્ર્મણ વધવાની શક્યતાથી અગમચેતીનાં પગલાંરૂપે ઓગણીસા, રટોટી, સણધરા વન સમિતિઓએ અચોક્કસ મુદ્દત સુધી બંધ રાખવાનું જણાવતા વન વિભાગ સુરત, રેન્જ વાંકલ દ્વારા તકેદારી ભાગરૂપે બણભા ડુંગર પ્રવાસન કેન્દ્ર અચોકક મુદ્દત સુધી બંધ રાખવાનો નિર્ણય કરવામાં આવ્યો છે.

વિનોદ (ટીનુભાઈ )મૈસુરીયા, વાંકલ.