* બલડેવા-પીંગોટ અને ધોલી ડેમમાં પાણીના સંગ્રહમાં દરરોજ ૫ સેમી ઘટાડો
* એક-દોઢ મહિના સુધી સિંચાઈ માટેનું પાણી અપાશે,ખેડુતો ચિંતિત
* ૩૦૦ હેકટર જમીનને અપાતું સિંચાઈ માટેનું પાણી
તા.૦૩-૦૪-૨૦૨૪ નેત્રંગ.
પ્રાપ્ત માહિત મુજબ ભરૂચ જીલ્લાના પુવઁપટ્ટી વિસ્તારમાં આવેલા નેત્રંગ તાલુકાની સીમમાંથી કરજણ,અમરાવતી,ટોકરી,મધુવંતી અને કિમ નદી પસાર થાય છે,અને વિશાળ બલડેવા-પીંગોટ અને ધોલી ડેમ આવેલ છે.૫૦૦૦ થી વધુ હેક્ટર જમીનની સિંચાઈ માટેનું પાણી આપી શકાય તેવી ત્રણેય ડેમની ક્ષમતા છે.પરંતુ ત્રણેય ડેમની જમણા-ડાબા કાંઠાની ૭૫ કિલોમીટરથી વધુ કેનાલ તુટેલી-જજૅરીત હાલતમાં હોવાથી માત્ર ૨૫૦-૩૦૦ હેકટર જમીનને સિંચાઈ માટેનું પાણી અપાઇ છે.ત્રણેય ડેમમાં ૮૦ ટકાથી વધુ માટી પુરાણ થવાથી પાણીનો સંગ્રહ ઘટ્યો છે.
હાલ ઉનાળાની સિઝન હોવાથી આકાશમાંથી સુયઁદેવતાના પ્રકોપના કારણે નેત્રંગ તાલુકાના નદી-નાળા અને તળાવ સહિત ચેકડેમમાં પાણીના સ્તરમાં ધરખમ ઘટાડો જણાઇ રહ્યો છે.બલડેવા-પીંગોટ અને ધોલી ડેમમાં પાણીના સંગ્રહમાં દરરોજ ૫ સેમી ઘટાડો થઇ રહ્યાનું જાણવા મળ્યું છે.બલડેવા ૧૩૮.૯૫ મીટર,પીંગોટ ૧૩૬.૦૭ મીટર અને ધોલી ડેમ ૧૩૩.૯૮ મીટર હોવાથી મે માસના પ્રથમ પખવાડીયામાં જ ત્રણેય ડેમમાંથી સિંચાઈ માટેનું પાણી અપાતું બંધ થઈ તેવું સુત્રો પાસેથી જાણવા મળ્યું છે.તેવા સંજોગોમાં ધરતીપુત્રોની પીવા-સિંચાઈ માટેના પાણી માટે વલખા મારવા પડશે.
