ભરૂચ જિલ્લા ના પાલેજ ખાતે એક દુકાન માં આગ ફાટી નીકળતા દોડધામ, સદનસીબે કોઇ જાનહાની નહિ
ભરૂચ જિલ્લા માં ઉનાળા ની ઋત્તુ દરમ્યાન જાણે કે અગ્નિ તાંડવઃ ની સ્થિતિ સર્જાઈ રહી હોય તેમ એક બાદ એક આગ લાગવાની ઘટનાઓ સતત સામે આવતી દેખાઈ રહી છૅ, જિલ્લા ના ઔધોગિક એકમો હોય કે ગોડાઉનો અથવા મકાનો કે વાહનો માં આગ લાગવાના બનાવો ચાલુ વર્ષે સતત ચર્ચાનું કેન્દ્ર રહ્યા છૅ, તેવામાં વધુ એક આગ લાગવાની ઘટના પાલેજ પંથક માંથી સામે આવી હતી,
પાલેજ ખાતે નેશનલ હાઇવે ને અડીને આવેલ સિટી પોઇન્ટ હોટલ ની બાજુના શોપિંગ સેન્ટર માં આજે અચાનક આગ ફાટી નીકળતા બે જેટલી દુકાનો આગ ની લપેટ માં આવી હતી,શોપિંગ સેન્ટર માં આવેલ દુકાન ના બીજા મારે અચાનક આ આગ ફાટી નીકળતા ઉપસ્થિત લોકોમાં ભારે નાશભાગ મચી જવા પામી હતી,
ઘટના અંગેની જાણ ભરૂચ નગર પાલિકા ફાયર વિભાગ અને કરજણ ફાયર વિભાગ માં કરવામાં આવતા ફાયર ના લશ્કરો એ તાત્કાલિક લાય બંબા સાથે સ્થળ ઉપર દોડી જઈ આગ ઉપર પાણીનો મારો ચલાવી ભારે જહેમત બાદ આગ ઉપર કાબુ મેળવ્યો હતો,
દુકાનો માં લાગેલ આગ મામલે સદનસીબે કોઇ જાનહાની થવા પામી ન હતી, જોકે સમગ્ર ઘટનામાં કહેવાય છૅ કે દુકાન રહેલ માલ સામાન્ બળી ને ખાખ થઈ જતા દુકાન સંચાલક ને મોટી નુકશાની થઈ હોવાનું અનુમાન લગાવાઈ રહ્યું છૅ,
