પાલેજ નગરમાં ભારે વરસાદ ખાબકતા જેટકો સબ સ્ટેશનમાં વરસાદી પાણી ભરાતા ડી જી વી સી એલ કચેરીનું કામકાજ ખોરવાયુ, સબ સ્ટેશન સંકુલમાં ગોઠણ સમા પાણી નજરે પડ્યા હતા…
ભરૂચના પાલેજ નગર સહિત પંથકમાં ગતરોજ વરસેલા ભારે વરસાદને પગલે જળબંબાકારની સ્થિતિ સર્જાઇ હતી. પાલેજ નગરની મધ્યમાં આવેલું તળાવ પણ વરસાદી પાણીથી ભરાઇ જવા પામ્યું હતું. તો બીજી તરફ પાલેજ રાષ્ટ્રીય ધોરીમાર્ગની બાજુમાં પુર્વ દિશામાં આવેલા જેટકો સબ સ્ટેશનમાં આજુબાજુની સીમના વરસાદી પાણી ધસી આવતા સબ સ્ટેહનના સંકુલમાં વરસાદી પાણી ભરાતા ભરાતા વીજ ગ્રાહકો સહિત ડી જી વી સી એલ સ્ટાફ મુશ્કેલીમાં મુકાઇ જવા પામ્યો છે.
મીડિયા કર્મીઓએ જેટકો સબ સ્ટેશનની મુલાકાત લેતા સબ સ્ટેશન સંકુલમાં ગોઠણ સમા પાણી નજરે પડ્યા હતા અને જેટકોના કર્મીઓ ગોઠણ સમા પાણીમાં બહાર નીકળતા નજરે પડ્યા હતા. દર વર્ષે જેટકો સબ સ્ટેશનમાં વરસાદી પાણી ભરાતા કપરી પરિસ્થિતિનું સર્જન થાય છે. પાણી ઓસર્યા પછી જ ડી જી વી સી એલ કચેરીનું કામકાજ પૂર્વવત થશે. હાલ તો વરસાદી પાણી ભરાતા વીજ ગ્રાહકો સહિત ડી જી વી સી એલ ના કર્મીઓ કપરી પરિસ્થિતિમાં મુકાઇ જવા પામ્યા છે…
:- યાકુબ પટેલ..ભરૂચ…
