ભરૂચ.
ભરૂચ શહેરના લોઢવાડના ટેકરા ખાતે આવેલાં સિદ્ધનાથ મહાદેવ મંદિરની સામે ખુલ્લી જગ્યામાં કેટલાંક શખ્સો તેમજ મહિલાઓએે જુગારની મહેફિલ જમાવી છે તેવી બાતમી ભરૂચ એ ડિવિઝન પોલીસની ટીમને મળી હતી. જેના પગલે ટીમે સ્થળ પર દરોડો પાડતાં 6 પુરૂષો અને બે મહિલાઓ ઝડપાઇ ગઇ હતી. પુછપરછમાં તેમના નામ રોહિત નાનુ મિસ્ત્રી, ઉમેશ મોહન જાદવ, શિવમ પ્રવિણ મકવાણા, આનંદ ભીમસિંગ વસાવા, સલીમ હુસેન કુરેશી તેમજ ઇસ્માઇલ ઉર્ફે અન્ના અબ્દુલ રહેમાન શેખ તથા ગૌરીબેન પ્રવિણ મકવાણા અને નયના ચંદુ વસાવા હોવાનું માલુમ પડ્યું હતું. ટીમે સ્થળ પરથી દાવપર લાગેલાં તેમજ તેમની અંગઝડતીમાંથી કુલ 88 હજાર રૂપિયા રોકડા તેમજ 16 હજારનો મોબાઇલ મળી કુલ 1.04 લાખનો મુદ્દામાલ જપ્ત કર્યો હતો. ટીમે તમામ વિરૂદ્ધ જુગારધારા હેઠળ ગુનો નોંધી આગળની કાર્યવાહી હાથ ધરી છે.
