અંક્લેશ્વરના મહાવીર ટર્નિંગ પાસે પોલીસની કાર્યવાહી
ભરૂચ.
એલસીબીની અંક્લેશ્વર ટીમ શહેરના મહાવીર ટર્નિંગથી પ્રતિન ત્રણ રસ્તા તરફ નંબર પ્લેટ વિનાની બાઇક લઇને જતાં એક શખ્સને ઝડપી પાડ્યો હતો. ટીમે બાઇક સવારનું નામઠામ પુછતાં તેનું નામ વિપુલ અર્જૂન ઝાલા (હાલ રહે. અંદાડા, મુળ રહે. અરવલ્લી) હોવાનું જણાવ્યું હતું. તેની પાસે બાઇકના દસ્તાવેજો માંગતા તે ગલ્લાતલ્લા કરવા લાગ્યો હતો. બાદમાં પોલીસે યુક્તિપ્રયુક્તિથી તેની પુછપરછ શરૂ કરતાં આખરે તેણે ચોંકાવનારી કબુલાત કરી હતી. તેણે જણાવ્યું હતું કે, ત્રણેક મહિના પહેલાં અંદાડા વાધીવાળા રોડ પર નાળા પાસે બાઇક પડી હોઇ તેને ડાયરેક્ટ ચાલુ કરી ચોરી કરી લઇ ગયો હતો. જે બાદ તેની નંબર પ્લેટ કાઢીને ચોરીછુપીથી તે બાઇક વાપરતો હતો. ટીમે તેની ધરપકડ કરી આગળની કાયદેસરની કાર્યવાહી હાથ ધરી છે.
