ભરૂચ.
કાવી પોલીસ સ્ટેશનનો સ્ટાફ પેટ્રોલિંગમાં હતો. તે વેળાં તેમને ચોક્કસ બાતમી મળી હતી કે, કનગામ ગામે પ્રાથમિક શાળાની પાછળના ભાગે ખુલ્લામાં કેટલાંક શખ્સોએ ટોળું વળી જુગારની મહેફિલ જમાવી છે. જેના પગલે ટીમે સ્થળ પર દરોડો પાડી જુગાર રમતાં 4 જણાને ઝડપી પાડ્યાં હતાં. તેમના નામ ધર્મેન્દ્રસિંહ ગંભીરસિંહ પરમાર, પ્રધ્યુમનસિંહ ભારતસિંહ પરમાર, હરેશ ગણપતસિંહ પરમાર તેમજ ખુમાનસિંહ ઉર્ફે ખુમો ગંભીરસિંહ પઢિયાર હોવાનું માલુમ પડ્યું હતું. ટીમે સ્થળ પરથી રોકડા રૂપિયા તેમજ જુગારના સાધનો સહિતનો મુદ્દામાલ જપ્ત કરી તમામ વિરૂદ્ધ જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.
Advertisement
