ગુમ થયેલા મોબાઈલ ફોન પરત કરવાના ‘તેરા તુજકો અર્પણ’ અભિયાનની રાજ્યભરમાં વાહવાહી થઈ રહી છે. પોલીસ વિભાગની આ અનોખી પહેલથી હજારો નાગરિકોને તેમના ખોવાયેલા કે ચોરાયેલા ફોન પાછા મળ્યા છે,જેનાથી કાયદો અને વ્યવસ્થા પ્રત્યે લોકોનો વિશ્વાસ વધ્યો છે. પરંતુ, આ ઉજવણી વચ્ચે એક સવાલ અવારનવાર ઉઠી રહ્યો છે: જેમના પરથી આ ફોન પકડાયા, તે આરોપીઓનું શું થયું પોલીસ આ મામલે મૌન કેમ સેવી રહી છે? એક તરફ પ્રેસ કોન્ફરન્સમાં ફોન પરત કરવાની વાહવાહી થાય છે, તો બીજી તરફ તે ફોન ચોરી કરનાર કે તેનો ગેરકાયદેસર વેપાર કરનાર ગુનેગારોની ઓળખ જાહેર કરવામાં આવતી નથી. શું આ ચોરો ‘મહાનુભાવો’ છે કે પછી પોલીસ તેમને પકડવામાં સફળ જ નથી થઈ આ પ્રશ્નો સામાન્ય જનતાના મનમાં શંકા પેદા કરી રહ્યા છે.
જો પોલીસ કાયદેસર રીતે ચોરાયેલા ફોન પરત કરી રહી છે, તો આરોપીઓને કાયદાના કઠેડામાં કેમ ઊભા રાખવામાં આવતા નથી શું પોલીસ માટે ફોન પરત કરવો એ જ એકમાત્ર ધ્યેય છે જો એમ હોય તો તે ગુનાહિત પ્રવૃત્તિને પ્રોત્સાહન આપી રહી છે કારણ કે આરોપીઓને કોઈપણ સજા થતી નથી.શું ચોરો પોતે જ પોસ્ટ કે કુરિયર દ્વારા ફોન પરત કરી રહ્યા છે આ પ્રકારની મજાક ઉડાડતા સવાલો પણ સોશિયલ મીડિયા પર ચાલી રહ્યા છે પરંતુ, આ મજાક પાછળ એક ગંભીર સચ્ચાઈ છુપાયેલી છે જ્યાં સુધી ગુનેગારોને કડકમાં કડક સજા નહીં થાય ત્યાં સુધી આવા ગુનાઓ અટકશે નહીં. ગુજરાત પોલીસે ‘તેરા તુજકો અર્પણ’ અભિયાન દ્વારા પ્રશંસનીય કામગીરી કરી છે પરંતુ આ સફળતાનો સંપૂર્ણ લાભ ત્યારે જ મળશે જ્યારે ગુનાખોરીના મૂળને કાપી નાખવામાં આવશે.પોલીસ વિભાગે તાત્કાલિક ચોરાયેલા ફોન સાથે પકડાયેલા આરોપીઓની વિગત જાહેર કરવી જોઈએ અને તેમને કાયદા મુજબ સજા આપવી જોઈએ જેથી સમાજમાં એક સ્પષ્ટ સંદેશ જાય કે ગુનેગારોને કોઈ પણ સંજોગોમાં છોડવામાં આવશે નહીં.
નિષ્કર્ષ
ગુમ થયેલા મોબાઈલ ફોન પરત કરવાની કામગીરી ખરેખર સારી છે, પરંતુ આ સફળતા ત્યારે જ અર્થપૂર્ણ બનશે જ્યારે ગુનાને અંજામ આપનારા ગુનેગારોને પણ સજા થશે.જ્યાં સુધી ગુનેગારો છૂટા ફરતા રહેશે, ત્યાં સુધી આ ‘અર્પણ’ ફક્ત એક કાયદાકીય નાટક બની રહેશે.
