આંગણીયા પેઢી માંથી સંબંધીના 4.94.250 રૂપિયા ઉપાડી પરત ઘર તરફ આવી રહ્યો હતો. આંગણીયા પેઢી થી જ પીછો કરતા યુવાનો ખુલ્લી ડિકીમાંથી રૂપિયા ભરેલી થેલી કાઢી રફુચક્કર થઇ ગયા હતા, શહેર પોલીસે સીસીટીવી ફૂટેજ મેળવી સંદિગ્ધ ઈસમો ની શોધખોળ શરુ કરી હતી.
અંકલેશ્વર દીવા રોડ પર આવેલ ઓમ પુરી સોસાયટીમાં રહેતા 23 વર્ષીય નીરવ અજય પટેલ ગત રોજ પ્રતિન ચોકડી નજીક આવેલ આંગણીયા પેઢી માંથી સંબંધી ના રૂપિયા 4.94.250 રૂપિયા લઇ પરત ઘર તરફ આવી રહ્યો હતો. તે દરમિયાન ચૌટા નાકા પાસે પારસ મેડિકલ પર ટુટ પીક લેવા માટે ગાડી ઉભી રાખી મેડિકલ ગયો હતો. પરત આવતા ડીકી માંથી રૂપિયા ભરેલી થેલી ચોરી થઇ જવા પામી હતી. આ અંગે ત્વરિત સબંધી ને જાણ કરી શહેર એ ડિવિઝન પોલીસ મથકે જાણ કરતા પોલીસ કાફલો સ્થળ પર દોડી આવ્યો હતો. અને પોલીસે આજુબાજુ સીસીટીવી તપાસતા સંદિગ્ધ ઈસમો ડીકી માંથી રૂપિયા ભરેલી થેલી લઇ જતા નજરે પડ્યા હતા. પોલીસની પ્રાથમિક તપાસમાં સામે આવ્યું હતું કે જે એક્ટિવા મોપેડ માંથી રૂપિયા ભરેલી થેલી ની ચોરી થઇ હતી તેનું લોક તૂટેલો હોવાથી તસ્કરોને મોકળું મેદાન મળી જતા બિન્ધાસ્ત ચોરી કરી પલાયન થઇ ગયા હતા. પોલીસે પ્રાથમિક નીરવ પટેલ ની ફરિયાદ આધારે ગુનો નોંધી તપાસ શરુ કરી હતી. પોલીસે સ્થળ પર સીસીટીવી ફૂટેજ પણ મેળવ્યા હતા જેમાં સંદિગ્ધ ઈસમો ની ઓળખ કરી તપાસ શરુ કરી છે.
