ભરૂચના જંબુસર બાયપાસ બ્રિજ પાસેની ઘટના
ભરૂચ.
ભરૂચ તાલુકામાં આવેલાં વ્હાલુ ગામે નવીવસાહત બાપુસ્ટ્રીટ ખાતે રહેતાં અજીમ ઐયુબ બક્સ વાહનોનો લે-વેચનો ધંધો કરે છે.ગઇકાલે તેનો પુત્ર બિમાર હોઇ તેને પોતાની કારમાં બેસાડી જંબુસર બાયપાસ પાસેની હોસ્પિટલમાં સારવાર માટે લઇ ગયાં હતાં. જે બાદ તેઓ જંબુસર બાયપાસ બ્રીજ પાસે દહેજ તરફ જવાના રસ્તા પર ઉભા હતાં. અરસામાં અંકલેશ્વરનો મુબારક મન્સુરી તેની કાર લઇને આવતો હોઇ તેમણે તેને કાર ઉભી રખાવી હતી. તેણે મુબારકને જણાવ્યું હતું કે, તેણે જે દોઢ લાખ રૂપિયા આપ્યાં હતાં. તે રૂપિયા પરત આપ નહીં તો તારી પાસે તે મોપેડ અને કાર છે તે મારી પાસે જમા કરાવી દે અને તેની ઓરિજનલ આરસી બુક પણ મને આપી દે. જેના પગલે તેમની વચ્ચે ઉગ્રબોલાચાલી થતાં મુબારક ઉશ્કેરાઇ ગયો હતો. તેણે કારમાંથી હાથમાં છરો લઇને તેની પાસે દોડી આવ્યો હતો. જે બાદ છરાનો ઉંધો હાથાવાળા ભાગથી તેના મોઢા પર તેમજ શરીરના અન્ય ભાગે મારી ઢીકાપાટુનો માર માર્યો હતો. અરસામાં લોકો દોડી આવતાં તેને મારથી છોડાવ્યો હતો. ઘટનાને પગલે તેણે ભરૂચ બી ડિવિઝન પોલીસ મથકે ફરિયાદ નોંધી આગળની કાર્યવાહી હાથ ધરી છે.
