રાષ્ટ્રપિતા મહાત્મા ગાંધી અને સ્વ. રાજીવ ગાંધીની જન્મ જયંતિ પ્રસંગે વકૃત્વ સ્પર્ધા યોજાઇ.

રાષ્ટ્રપિતા મહાત્મા ગાંધીની 150 મી જન્મ-જયંતિ અને 21 મી સદીના સ્વપ્નદ્રષ્ટા સ્વ. રાજીવગાંધીની 75 મી જન્મ-જયંતિ પ્રસંગે ભરુચ જિલ્લા કોગ્રેસ સમિતિ દ્વારા વિકાસ વિધાલય ખાતે વકૃત્વ સ્પર્ધાનું આયોજન કરી જન્મ-જયંતીની ઉજવણી કરવામાં આવી.
તા.25-09-19 ના રોજ ભરુચ જિલ્લા કોગ્રેસ સમિતિ દ્વારા આયોજિત વકૃત્વ સ્પર્ધામાં અનેક સ્કૂલોએ ભાગ લીધો હતો. જેમાં ભરુચ જિલ્લા કોંગ્રેસ સમિતિના પ્રમુખ પરીમલસિંહ રણા, તાલુકા કોંગ્રેસ સમિતિના આગેવાનો અને ભરુચ તાલુકા કોંગ્રેસ પ્રમુખ સલિમભાઈ પટેલ, હરેન્દ્રસિંહ જાડેજા સહિતના કોંગ્રેસી આગેવાનો તેમજ ભુવા ગામના સરપંચ, સ્કૂલના આચાર્ય અને શિક્ષકગણ અને સ્કૂલના વિધાર્થીઓ જોડાયા હતા.