મધ્ય ગુજરાતના છોટાઉદેપુર સહિતના અન્ય જીલ્લાઓમાં પાછલા ત્રણેક દિવસથી થઇ રહેલ ભારે વરસાદથી નાનીમોટી કેટલીય નદીઓમાં નવા નીર જોવા મળ્યા હતા. છોટાઉદેપુર જીલ્લામાંથી વહેતી ઓરસંગ નદી આજે બે કાંઠે વહતી જોવા મળી હતી. બે કાંઠે વહી રહેલી ઓરસંગ નદીને નીહાળવા લોકટોળા ઉમટ્યા હતા. ગઇકાલે જીલ્લામાં થયેલ ભારે વરસાદને લઇને તેની અસરથી બોડેલી નગર સહિતના ઘણા ગામોએ વરસાદના પાણી ઘરોમાં ઘુસી જતા જીલ્લાના વેપારી મથક બોડેલી સહિતના ઘણા ગામો જળબંબાકાર થઇ જતા લાખો રૂપિયાનું નુકશાન થયુ હતુ. જીલ્લામાં વિતેલા ત્રણેક દિવસથી થઇ રહેલ વ્યાપક વરસાદને લઇને આજે ઓરસંગ નદી બે કાંઠે વહેતી જોવા મળી હતી. બોડેલી નજીકથી વહેતી ઓરસંગ બે કાંઠે વહેતા આ દ્રશ્ય નિહાળવા લોકો નદી કિનારે ઉમટી પડયા હતા.
ફૈજાન ખત્રી, કલારાણી જિ.છોટાઉદેપુર
Advertisement
