આજરોજ દહેજ આમોદ રોડ ઉપર વજાપુર પાટિયા પાસે એક બાઈક પર ત્રણ યુવકો જઈ રહ્યાં હતાં તે દરમિયાન એકાએક એક ગાય ત્યાંથી પસાર થતાં બાઈક ચાલકે સ્ટેરીંગ પરથી કાબુ ગુમાવ્યું હતું અને તેઓ ગંભીર રીતે પટકાયાં હતાં જેમાં ૨ બાઈક સવારને ગંભીર ઈજાઓ પહોંચી હતી અને એકનું ઘટના સ્થળ પર જ મોત નિપજ્યું હતું જેથી વિસ્તારમાં ભયનો માહોલ સર્જાયો હતો.
રસ્તે રખડતાં પશુને કારણે મોતના કિસ્સાઓ ઘણા વધી રહ્યા છે ત્યારે દહેજ આમોદ રોડ પર પણ આજરોજ તે જ ઘટના બનવા પામી હતી . દહેજ આમોદ રોડ પર વજાપુર પાટિયા પાસે એક બાઈક પર ત્રણ યુવાકો પસાર થઈ રહ્યાં હતાં ત્યારે એક ગાય એકદમ જ વચ્ચેથી પસાર થઈ રહી હતી ત્યારે બાઈક ચાલકે એકાએક બ્રેક લગાવતાં તેઓ બાઈક સાથે ઘસડાઈ ગયા હતાં અને તેઓને ગંભીર ઈજાઓ પહોચી હતી. ગંભીર ઇજાઓના પગલે એક યુવકનું ઘટના સ્થળ પર જ મોત નિપજ્યું હતું અને બે ને નજીકની હોસ્પિટલમાં સારવાર અર્થે ખસેડવામાં આવ્યાં છે, ત્યારે રસ્તે રખડતાં ઢોરોને કારણે અકસ્માતોનું જોખમ ઘણું વધવા પામ્યુ છે .
