ડાંગ જિલ્લાના આહવા તાલુકામાં સમાવિષ્ટ ચીચપાડા ગામની એક 55 વર્ષીય મહિલાની ગંભીર રીતે ઘવાયેલી હાલતમાં લાશ મળી આવતા સાપુતારા પોલીસે હત્યાનો ગુનો નોંધી વધુ તપાસ હાથ ધરી છે.
આહવા તાલુકામાં સમાવિષ્ટ ચીચપાડા ગામે રહેતા વૃદ્ધ દંપતી મોતીભાઈ પાંડુભાઈ પવાર અને તેની પત્ની ચેદ્રાબેન પવાર વચ્ચે કોઈ કારણોસર બોલાચાલી થઈ હતી. આ બંને દંપતી વચ્ચે ખેતર નજીકના જંગલ વિસ્તારમાં ઝઘડો થતા પતિ મોતીભાઈ પવારે આવેશમાં આવી જઈ પત્ની ચેન્દ્રાબેન પવારને લાકડાના ડંડા વડે માથાના પાછળના ભાગે ગંભીર ઈજા પહોંચાડતા તેનું ઘટનાસ્થળે મોત નીપજ્યું હતું. આ બનાવની જાણ ગ્રામજનોને થતા તેઓ ઘટનાસ્થળે ધસી ગયા હતા અને ગંભીર રીતે ઘવાયેલી હાલતમાં પડેલી મહિલાની લાશને ગ્રામજનો દ્વારા તેના ઘરે ખસેડી હતી. અહીં મહિલાના સગા રઘુભાઈ બરડેએ સાપુતારા પોલીસને જાણ કરતા સાપુતારા પીએસઆઈ એસ.આર. પટેલની ટીમે મહિલાની લાશને પીએમ માટે શામગહાન સીએચસી ખાતે ખસેડી હત્યાનો ગુનો નોંધ્યો હતો..સૌજન્ય
