ડેડીયાપાડા તાલુકાના અંતરિયાળ એવા ગારદા ગામમાં કેટલાક સમયથી દીપડાએ આતંક મચાવ્યો હોવાની ફરિયાદો ગ્રામજનોમાં ઉઠવા પામી છે, ત્યારે ફરીને એકવાર દીપડા એ વધુ એક વાછરડીનું મારણ કર્યું છે.
પ્રાપ્ત માહિતી અનુસાર ગારદા ગામના પશુપાલક મુકેશભાઈ ઝીણાભાઈ વસાવાની સાડા ચાર વર્ષની વાછરડી ત્રણ દિવસ પહેલા જ એમના મિત્ર જીવરાજભાઈ રાશલભાઈ વસાવાને ભાગે આપી હતી, ત્યારે સવારે ઘરની બહાર વાડામાં બાંધેલા પશુઓનો અવાજ આવતા જીવરાજભાઈ રાશલભાઈ વસાવાએ બેટરી મારતાં જોયું તો એક દીપડા એ વાછરડીનું મારણ કર્યું હતું, અને જેવી દીપડા પર બેટરી પડી તો દીપડો ત્યાંથી ફરાર થઈ ગયો હતો અને દીપડાનાં આતંકથી ગારદા ગામના પશુપાલકોમાં ભારે ભયનો માહોલ ફેલાયો છે. આ ઘટના બાદ પશુપાલક મુકેશભાઈ ઝીણાભાઈ વસાવા એ વન વિભાગના કર્મચારીઓને જાણ કરતા સવારે વન વિભાગનો કાફલો, પશુ ડોકટરો સહિત ઘટના સ્થળે દોડી આવ્યા હતા અને આગળની કાર્યવાહી હાથ ધરી હતી.
દીપક જગતાપ, રાજપીપલા
