ડેડીયાપાડા તાલુકાના ગાજરગોટાના પાંચ જેટલાં ઈસમોની એક ટોળકીએ ગે.કા લાયસન્સ પરવાના વગરની ત્રણ હાથ બનાવટની સીંગલ બેરલ મઝલ લોડેડ બંદુકો ઉઠાવી કોતરમા નાખી નાસી જતા ડેડીયાપાડા પોલીસે કાર્યવાહી હાથ ધરી ત્રણે લોડેડ બંદુકો કબજે લીઘી છે.
આ અંગે પોલીસ ફરિયાદ ડેડીયાપાડા પોલીસ મથકે ફરિયાદી એ.એસ.આઈ રવિન્દ્રભાઈ એસ.ઑ.જી શાખા નર્મદાએ આરોપીઓ (૧) અરવિંદભાઇ જયંતીભાઈ વસાવા (૨) દિલીપભાઇ નારસિંગભાઈ વસાવા (૩) ધીરજભાઈ ગણપતભાઈ વસાવા રહે,ગાજરગોટા તા.ડેડીયાપાડા જી.નર્મદા તથા બીજા બે ઇસમો સામે નોંધી છે.
ફરિયાદની વિગત અનુસાર આરોપી અરવિંદભાઇ જયંતીભાઈ વસાવા તથા દિલીપભાઇ નારસિંગભાઈ વસાવા તથા ધીરજભાઈ ગણપતભાઈ વસાવા (રહે,ગાજરગોટા તા,ડેડીયાપાડા જી.નર્મદા) તથા બીજા બે ઇસમોએ પોતાના કબજામાં ગે.કા લાયસન્સ પરવાના વગરની ત્રણ હાથ બનાવટની સીંગલ બેરલ મઝલ લોડેડ બંદુકો કિ.રૂ.૩૦૦૦/- ની કાબરીપઠાર ખાપી જવાના રસ્તા ઉપર આવેલ સ્મશાન વાળા કોતર પાસે નાખી દઈ નાશી જઈ ગુન્હો કરતા પોલીસે આ ત્રણે બંદૂકો કબજે લઈ પાંચ ઈસમો સામે કાયદેસરની કાર્યવાહી હાથ ધરી છે.
દીપક જગતાપ, રાજપીપલા
