રાજુ સોલંકી ગોધરા
ગોધરા.
ગોધરા તાલુકા પોલીસ સ્ટેશનના બે પોલીસકર્મીઓ પૈકી એક પોલીસ કર્મી ૧૫૦૦૦ની લાંચ લેતા ગોધરા એસટી બસ સ્ટેશન ખાતે એસીબીના હાથે ઝડપાઇ ગયો છે.અન્ય એક ફરાર થઈ ગયો છે.દારુના કેસમા આરોપીને રિમાન્ડ દરમિયાન મારઝુડ નહી કરવા માટે લાંચ માંગી હતી.આ અંગે એસીબી દ્રારા જરુરી કાર્યવાહી કરવામા આવી રહી છે.
મળતી વિગતો અનુસાર આ કામે ફરીયાદીના મિત્ર ઉપર એક માસ પહેલા ઇગ્લીશ દારૂનો કેસ થયેલ હતો. જે કેસમાં અટક કરવાના બાકી હોય, આથી તપાસ કરનાર હેડ કોન્સ્ટેબલ દિનેશભાઇ હરજીભાઇ ડામોર, વર્ગ-૩, હેડ કોન્સ્ટેબલ, ગોધરા તાલુકા પોલીસ સ્ટેશન. નાએ ફરીયાદીના મિત્ર ને ગોધરા કોર્ટમાં રૂબરૂ મળી ગુનાના કામે અટક કરી રીમાન્ડ નહી લઇ તેમજ મારઝુડ નહી કરવા માટે અન્ય આરોપી રાજેશકુમાર રંગજીભાઇ તાવીયાડ, અનાર્મ લોકરક્ષક, ગોધરા તાલુકા પોલીસ સ્ટેશન
હાલ રહે.સાંપા રોડ, સતકેવલ મંદિર પાછળ, ગોધરા, મુળ રહે.મુ.નરસીંગપુર, તા.સંતરામપુર, જી.મહીસાગર સાથે વાતચીત કરી વ્યવહાર નકકી કરી ફરીયાદી સાથે વ્યવહારના રૂપીયા મોકલી આપ્યા બાદ અટક કરી તેવું જણાવી આરોપી નંબર-ર મારફતે પ્રથમ રૂા.૧૫૦૦૦અને અટક થતી વખતે રૂા.ર૦૦૦ ની લાંચની માંગણી કરેલ. જેથી ફરીયાદી એસીબીમાં ફરીયાદ કરવાનુ નક્કી કર્યુ હતુ આથી
આર.એન.દવે, પોલીસ ઇન્સ્પેકટર, વડોદરા ગ્રામ્ય એ.સી.બી. પો.સ્ટે. તથા સ્ટાફેલાંચનું છટકું ગોઠવતા આરોપી રાજેશ તાવીયાડનાએ લાંચની રકમ રૂા.૧૫૦૦૦ એસ ટી ડેપોમાં સ્વીકારી એસીબી હાથે પકડાઇ ગયો હતો.અન્ય પોલીસકર્મી દિનેશ ડામોર નાસી ગયો હતો .આથી એકબીજાને મદદગારી કરી ગુનો કર્યા બાબતે એસીબીએ લાંચની રકમ ૧૫૦૦૦ રીકવર કરીને કાયદેસરની કાર્યવાહી હાથ ધરી છે.
