હાલોલ : ગ્રામ્ય પોલીસ મથકના પી.એસ.આઈ એ કેનાલમાં પડેલા કિશોરનો જીવ બચાવ્યો.

હાલોલ રૂલર પોલીસ મથકમાં ફરજ બજાવતા પીએસઆઇ એ કેનાલમાં છલાંગ લગાવતાં કિશોરને બચાવી લીધા હતા હોવાનો એક સરાહનીય કિસ્સો સામે આવ્યો છે.

હાલોલ રૂલર પોલીસ મથકમાં ફરજ બજાવતા પીએસઆઇ સાચ્ચે માનવતાને છાજે અને પોલીસને સલામ કરવાનું મન થાય તેવું કામ કર્યુ છે. પંચમહાલ જીલ્લાના હાલોલના પીએસઆઈએ કેનાલમા જીવન ટૂકાવવા પડેલા કિશોરને પોતે છલોછલ ભરેલી કેનાલમા કુદીને જીવ જોખમમા મૂકીને બચાવી લીધો હતો. અભ્યાસ બાબતે માતાપિતાએ કિશોરને ઠપકો આપતા નવમા ધોરણમા અભ્યાસ કરતા કીશોરે રામેશરા પાસેથી પસાર થતી નર્મદા કેનાલમા ઝંપલાવ્યુ હતુ, તે સમયે પેટ્રોલિંગમા નીકળેલા હાલોલ ગ્રામ્ય પોલીસ મથકના પીએસઆઈ એમ.એમ.ઠાકોરે પોતાની ફરજ નિભાવવા જાનની પરવા કરવા વગર કેનાલમા પડીને તેમને કિશોરનો જીવ બચાવ્યો હતો.

પંચમહાલ રાજુ સોલંકી