હાલોલ : ટીમ સહાય ટ્રસ્ટ અને જી વોલ્ટ ટ્રાન્સફોર્મર કંપનીનાં સંયુક્ત ઉપક્રમે સ્કૂલ યુનિફોર્મનું વિતરણ કરાયું.

હાલોલ તાલુકાના રવાલીયા પ્રાથમિક શાળામાં અભ્યાસ કરતા ૨૮૭ વિદ્યાર્થી-વિદ્યાર્થીનીઓને આજે વડોદરાની એનજીઓ ‘ટીમ સહાય’ અને જી વોલ્ટ ટ્રાન્સફોર્મર પ્રાઈવેટ લિમિટેડ કંપની તરફથી ધારાસભ્યની પ્રેરક ઉપસ્થિતિમાં નિઃશુલ્ક ગણવેશ આપવામાં આવ્યા હતા. ગણવેશ મેળવી શાળાના બાળકોના ચહેરા ઉપર ખુશી જોવા મળી હતી.

આ કાર્યક્રમમાં ટીમ સહાયના પ્રમુખ જયેશભાઇ મિસ્ત્રી, જી વોલ્ટ ટ્રાન્સફોર્મર પ્રાઈવેટ લિમિટેડ કંપની વડોદરાનાં મેનેજીંગ ડાયરેક્ટર અરવિંદભાઈ ગઢવી અને તેઓની ટીમ સાથે સ્થાનિક હાલોલ વિધાનસભા મત વિસ્તારના ધારાસભ્ય અને પૂર્વ મંત્રી જયદ્રથસિંહ પરમાર, હાલોલ તાલુકા વિકાસ અધિકારી સુખરામ રાઠવા, તાલુકા પંચાયત પ્રમુખ મહેન્દ્રસિંહ, ભાજપ પ્રમુખ પ્રવીણભાઈ, રાષ્ટ્રીય શૈક્ષીક મહાસંઘના પ્રમુખ અતુલભાઈ પટેલ, મંત્રી કલ્પેશભાઈ પટેલ સ્થાનિક આગેવાનો સાથે મોટી સંખ્યામાં વિદ્યાર્થીઓ, વાલીઓ તેમજ શાળાનાં આચાર્ય ઘવલભાઈ પટેલ અને શિક્ષકો ઉપસ્થિત રહ્યા હતા.