હાંસોટ તાલુકામાં સાહોલગામના ૨૦ નવયુવાનોએ કાવડયાત્રાનો પ્રારંભ કર્યો હતો. મહારાષ્ટ્ર રાજ્યના ઔરંગાબાદ સ્થિત આવેલ ધૃષ્ળેશ્વર મહાદેવ મંદિરે કાવડ લઈને જનાર શિવભક્તોની ગામ લોકોએ તેમજ મહારાજ દ્વારા પૂજા, અર્ચના કરવામાં આવી હતી. અતિ હર્ષોલ્લાસ સાથે વહેલી સવારે સાહોલથી કાવડયાત્રાની કાવડ લઈ શિવ ભોલે, ૐ નમઃ શિવાય – હર હર મહાદેવના નાંદ સાથે પગપાળા યાત્રાની શરૂઆત કરવામાં આવી હતી. જે પ્રસંગે ગામના સરપંચ નવનીતભાઈ પટેલ તેમજ ગામ આગેવાનોએ કાવડયાત્રી તેમજ સેવા કરનાર સેવાભાવી શિવ ભક્તોને હૂંફ પૂરી પાડી હતી.
Advertisement
