જંબુસર નગરમાં જલાલ પુરા વિસ્તારમાં આવેલ પાણીની ટાંકી જર્જરિત હાલતમાં હતી જે ગમે ત્યારે તૂટી પડે તેવી પરિસ્થિતીમાં હતી જેના કારણે સ્થાનિકોએ નગરપાલિકાને આ અંગે જાણ કરી હતી અને વર્ષોથી રહેલ પાણીની ટાંકીને તાત્કાલિક ઉતારી લેવા માંગ કરી હતી. જલાલ પુરા ગીચ વસ્તીનો વિસ્તાર હોવાના કારણે પાણીની ટાંકી તૂટી પડે તો મોટી હોનારત સર્જાય જેથી લોકોએ પાણીની ટાંકી ઉતારી લેવા માંગ કરી હતી. નગરપાલિકાએ પણ ગીચ વસ્તી અંગે પૂરેપુરી સાવધાની રાખી હતી અને પાણીની ટાંકી ઉતારતા પહેલા સંબંધિત વિસ્તારને ખાલી કરવવામાં આવ્યો હતો. ત્યારબાદ જલાલ પુરા વિસ્તારમાં પાણીની ટાંકી ઉતારી લેવાતા તંત્રએ અને લોકોએ હાશકારાની લાગણી અનુભવી હતી.
Advertisement
