કરજણ તાલુકાના વલણ ગામમાં કરજણ, શિનોર, પોર બેઠકના ભાજપનાં ધારાસભ્ય અક્ષય પટેલના હસ્તે ત્રણ જેટલા કામોનું ખાત મુહૂર્ત કરાયું હતું. જેમાં વલણ-ધામણજા માર્ગ તેમજ વલણ ગામથી ને.હાઇવે તરફ જતા માર્ગનું રીસરફેસિંગ તેમજ ગ્રામ પંચાયતના નવનિર્મિત કાર્યાલયનું ખાત મુહૂર્ત કરાયું હતું.
છેલ્લા ઘણા સમયથી વલણ – ધામણજા માર્ગ ખૂબ જ બિસ્માર હાલતમાં હોવાથી વાહનચાલકો ભારે હાડમારી ભોગવી રહ્યા હતા. ધારાસભ્ય અક્ષય પટેલની રજૂઆતના પગલે મુખ્યમંત્રીની ગ્રાન્ટમાંથી ઉપરોક્ત કામો મંજૂર થતાં હવે વલણ – ધામણજા માર્ગ તેમજ વલણથી ને.હાઇવે તરફ જતા માર્ગનું રીસરફેસિંગનું ખાત મુહૂર્ત થતા ગ્રામજનોમાં હર્ષની લાગણી વ્યાપી જવા પામી છે. ખાત મુહૂર્ત કાર્યક્રમમાં સરપંચ રમણ વસાવા, તલાટી કમ મંત્રી, ગ્રામ પંચાયતના સદસ્યો અને ગ્રામજનો ઉપસ્થિત રહ્યા હતા.
યાકુબ પટેલ : કરજણ
Advertisement
