કરજણ ખાતે કોરોના વાઇરસનો શંકાસ્પદ કેસ લાગતાં વડોદરા સિવિલમાં ખસેડવામાં આવ્યા.

કરજણ ખાતે રહેતા સવિતા બેન જેશીંગ ભાઈ ચૌહાણ ઉંમર વર્ષ-૫૫ છે. પીગલવાડા ગામ કરજણનાં રહેવાસી છે જેઓ ૫ દિવસ અગાઉ મહારાષ્ટ્ર અને બીજા અનેક રાજ્યમાં ફરવા ગયેલ હતાં.તેમને તાવ જેવું લાગતું હતું તેમને આજે સવારે વી.કેર હોસ્પિટલ કરજણમાં સારવાર અર્થે ગયા હતા જ્યાં ડોક્ટર દ્વારા તપાસ બાદ શંકાસ્પદ કોરોના વાયરસના લક્ષણો જણાતા તેમને તાત્કાલિક કરજણ સરકારી હોસ્પિટલમાં દાખલ કરવામાં આવ્યા હતા.કરજણ સામુહિક આરોગ્ય કેન્દ્રના ડૉ. મોદી સાહેબ દ્વારા સવિતાબેનને વધુ સારવાર અર્થે ૧૦૮ નો સંપર્ક સાધી કરજણ ૧૦૮ ની ટીમ મારફતે સવિતાબેનને બરોડા સયાજી ગંજ હોસ્પિટલમાં શિફ્ટ કરાયા હતા.

જ્યાં તેઓને આઇસોલેશન વોડમાં રાખવામાં આવેલ છે, વડોદરા ખાતે આઇસોલેશન વોર્ડમાં દાખલ કરાયા બાદ તેઓના અનેક ટેસ્ટ લેવાયા હશે એમ જાણવા મળી રહ્યું છે પરંતુ કોરોના વાઇરસનો રિપોર્ટ પોઝિટિવ આવ્યો છે કે નેગેટિવ એ અંગે હજુ સુધી માહિતી પ્રાપ્ત થયેલ નથી.

ઇમરાન ઐયુબ મોદી