કેવડીયા કોલોની ખાતે લાખોના ખર્ચે બેસાડેલી સ્ટ્રીટ લાઈટો ક્યારે ચાલું કરાશે?

મળતી માહિતી મુજબ નર્મદા જિલ્લાના ગરૂડેશ્વર તાલુકાનાં કે.કોલોની ખાતે ઘણાં સમય પહેલા લાખો રૂપિયાનાં ખર્ચે નિગમ દ્વારા સ્ટ્રીટલાઈટો બેસાડવામાં આવી જે સ્ટ્રીટ લાઈટો હાલમાં બંધ અવસ્થામાં પડેલી છે છેલ્લા ઘણાં સમયથી બંધ હાલમાં પડેલી સ્ટ્રીટ લાઈટો ચાલું કરવામાં કોઈ જ તસ્દી લીધેલ નથી કે.કોલોની ખાતેના રસ્તા ઉપર પણ અંધકાર છવાયેલાં રહે છે. વળી આ વિસ્તાર જંગલ વિસ્તાર હોવાથી ઝેરી પ્રાણીઓનો ડર પણ પ્રજાને સતાવે છે તેમજ ટ્યુશન શાળાએ અભ્યાસ અર્થે જતાં વિધ્યાર્થીઓ એ પણ ઘણી મુસીબતનો સામનો કરવો પડતો હોય છે અમુક અસામાજીક તત્વો આ અંધકારનો પણ લાભ ઉઠાવતા હોવાનુ જાણવા મળેલ છે તો અત્યારે આ લાઈટો ચાલુ થાય તેવી પ્રજાજનોની માંગ છે