મહીસાગરઃ દેગમડા તીર્થધામ પાસે મહી નદીમાં વીરપુરના 2 યુવાન મહી નદીમાં સેલ્ફી લેતા જતાં ડૂબ્યા હતા. જેમાં એકને બચાવી લેવાયો હતો, અન્ય એક યુવકની શોધખોળ કરતાં શનિવારે તેનો મૃતદેહ મળી આવ્યો છે. પોલીસે યુવકના મૃતદેહને કબ્જે લઈ પી.એમ.અર્થે હોસ્પિટલમાં મોકલી આપ્યો છે.વિરપુર ગામના કસ્બા મહોલ્લાના 2 મુસ્લિમ યુવકો દેગમડા તીર્થધામ પાસે મહી નદી કાઠે ફરવા ગયા હતા. તે દરમિયાન સેલ્ફી લેવા જતા પીરજાદા કામિલ અહેમદ ઈખ્તીયાર અહેમદનો પગ લપસી જતા મહી નદીમાં તણાયો હતો. તેને તણાતો જોઈ બચાવવા ઉવેશ મહેમુદમિયા પીરજાદા પણ કૂદ્યો હતો. આ અંગે આસપાસના લોકોને જાણ થતાં બચાવ માટે સ્થાનિકો દોડી ગયા હતા. જેમાં એકને બચાવી લેવાયો હતો, ત્યારે શોધખોળ દરમિયાન તેનો મૃતદેહ મળ્યો હતો. જેને પોલીસે પોસ્ટ મોટમ માટે મોકલ્યો છે.
Advertisement
